畢賢感覺（Butfeeling)

銀行職員︰呢份煤氣單唔得喎，有冇文件可以提供到你嘅住址？

新移民女士︰呢個咪証明左個住址囉，又唔得？

銀行職員︰唔得呀，份文件個名唔係你。

新移民女士︰身份證得唔得呀？身份證都唔得？

銀行職員︰係要一份住址証明嘅文件。

新移民女士︰咁點呀？間間銀行都唔得﹗咁份煤氣單係我老公架嘛，我老公都唔得？

銀行職員︰或者你返去囉份結婚證書同你老公身份証副本，再叫佢出封信。

新移民女士︰我就係唔想俾佢知嘛，咁樣佢咪知道。

銀行職員︰真係無法。

排隊中人︰快D啦，趕住返公司呀。

新移民女士︰趕就早D黎排隊啦，我問梗野，自己要早走就唔好食晏，早D黎。

排隊中人︰咁你無文件嘛，問極都攪唔到架啦。唔等喇，阻住地球轉。

新移民女士︰開個戶口都咁麻煩，有冇攪錯。我叫個仔黎開得唔得呀？

銀行職員︰得。

新移民女士︰咁我叫佢黎開，又要乜文件呀？

銀行職員︰佢幾多歲？

新移民女士︰八歲。

銀行職員︰咁都要叫佢爸爸黎。

新移民女士︰係咪叫佢爸爸黎就得？

銀移職員︰係，不過你個仔嘅爸爸即係你老公，頭先講左，都係要佢嘅文件。

新移民女士︰我個仔唔係我老公嘅，得唔得？嘛鬼嘛！

(全場都忍俊不已，人人向她注目，那銀行職員專業地保持笑容，只是她的笑容比之前更加燦爛。)